ESKOLA - Getariako Udala

Hezkuntza

Batzordeburua

Jaione Larrañaga (jlarranaga@getaria.eus)

Argitalpenak

Inauterietako kartel lehiaketaren irabazleak17/02/2023Albisteak / PartehartzeaHemen dira inauteriak! Hauek izan dira 2023-ko inauterietako kartel lehiaketaren txapeldunak. [...]

Pobrezia energetikoaren azterketa Urola Kostan24/10/2022Albisteak / PartehartzeaUrola Kostako Udal Elkarteak (Getaria, Aia, Orio, Zarautz eta Zumaia) eskualdeko energia plana garatu zuen 2021ean. Energia plan horretan eskualdeko pobrezia energetikoaren inguruko azterketa bat egiteko beharra identifikatu zen, besteak beste. Hori dela eta, 2022an, Gipuzkoako Foru Aldundiko hitzarmenaren baitan, pobrezia energetikoaren azterketa egiteko ECOSERVEIS enpresa kontratatu da. Azterketa horren baitan, inkesta bat garatu da eskualdeko pobrezia energetikoaren ahalik eta “argazkirik” errealena eskuratzeko. Inkestaren helburua da Urola Kostako biztanleek energia-behar oinarrizkoak modu bidezkoan asetzeko duten gaitasunari buruzko egungo informazioa biltzea, eskualde mailako ekintza-plan bat diseinatzeko. Getariako Udalak, Udal Elkarteko kide bezala, Getariarrak inkesta betetzera gonbidatu nahi ditu. Hemen daukazu GALDETEGIA . Animatu! [...]

GUZTIOK1 Aurrekontu parte-hartzaileak03/10/2022Albisteak / Partehartzea2023ko AURREKONTUAK Aurten ere martxan dugu GUZTIOK1 aurrekontu parte-hartzaileen prozesua. Ekarpenak egiteko 3 aukera izango dira: IDATZIZ: Etxean jasoko duzun triptikoa osatu eta utzi udaletxeko postontzian. POSTA ELEKTRONIKOA: Bidali zure proposamenak partehartzea@getaria.eus ONLINE: Esteka edo QR kodea erabiliz. Parte-hartze prozesua urriak 28ean amaitzen da. Denon artean soilik lortuko dugulako herria hobetzea… Guztion ideiak izango direlako ongi etorriak… Pentsatu, hausnartu eta eman zure iritzia!! [...]

LEHORRERATZEA PARTE-HARTZE EPEA IREKITA27/04/2022Albisteak / Elkano500Mundubira / Partehartzealehorreratzea_partehartzea xehetasunak Hasi da 2022ko Lehorreratzean parte-hartzeko epea. Aurtengo lehorreratzean parte-hartu nahi baduzu eta behar den perfila betetzen baduzu, apuntatu zaite Getariako Turismo Bulegoan Asteartetik-larunbatera: 10:00-14:00 / 15:15-18:00 Igande eta jai egunak: 10:00-14:00 943 140957 infoturismo@getaria.eus Epea maiatzak 11arte izango da. [...]

‘BIRA BAT, 100 MUNDU’ LELOPEAN OSPATUKO DA IRAILAREN 6AN ELKANOREN LEHORRERATZEA19/01/2022Albisteak / Elkano500Mundubira / Partehartzea‘Bira bat, 100 mundu’ lelopean ospatuko da datorren irailaren 6an Elkanoren Lehorreratzea Getarian. Aurten 100 urte beteko dira lehen aldiz egin zenetik eta 500 lehen mundubira osatu zenetik. Aurten, Lehorerratzeak jatorrizko data berreskuratuko du. 1922an lehen aldiz antolatu zenean, Elkano eta hiru urteko bidaiari eutsi zioten gainontzeko tripulaziokideak Sanlucar de Barramedara itzuli ziren eguna errespetatuz antolatu zen –aurrerago abuztuan egiten hasi bazen ere. Ordutik, antzezlan historikoa lau urtetik behin ospatu da, ehunka getariarren auzolanari esker. Ospakizunaren testuinguruan, jatorrizko data berreskuratuko da –egun hau jaiegun izendatu da Euskal Autonomia Erkidegoko egutegian. Euskadik Fitur Nazioarteko Turismo Azokan duen gunean Elkanoren Lehorreratzea aurkezteko aukera izango du gaur Getariako Udalak. Bertara eraman ditu Haritz Alberdi alkateak edizio berezia ezagutzera emateko sortu den irudia eta leloa, ‘Bira bat, 100 mundu’. Ane Pikaza ilustratzaileak egin ditu irudiak, Julen Larruskainen zuzendaritzapean. Elkarrizketa-foro desberdinetatik ateratako ondorioak biltzen dituen txostena udalaren webgunean dago eskuragarri Atxikitako irudian, udal ordezkariak eta parte hartze prozesuan aritu diren hainbat herritar, ‘Bira bat, 100 mundu’ lelopean ospatuko den aurtengo Lehorreratzearen kartelarekin. [...]

LEHORRERATZEAREN ELKARRIZKETAREN ONDORIOEN TXOSTENA ARGITARATU DU GETARIAKO UDALAK19/01/2022Albisteak / Elkano500Mundubira / PartehartzeaElkarrizketa prozesuaren ondorio txostena prestatu eta herritar guztien eskura jarri du Udalak webgunean. Gainera, aurtengo Lehorreratzeak barneratuko dituen berrikuntzak erabaki eta lantzeko taldea osatu da, orain arteko parte-hartze prozesuan aritu den bizilagun taldetxo batekin. Guztira 65 getariar inguruk parte hartu dute, uneren batean, herri-elkarrizketa prozesuan. Era berean, Getariako Udalak eskertu nahi die azken hilabeteetan elkarrizketa prozesuan partehartu duten herritarrei. Joan den urteko irailetik abendura bitartean elkarrizketa gune desberdinak antolatu zituen Getariako Udalak herritarrekin, getariarrek ekitaldia nola bizi eta sentitzen duten jakiteko, baita etorkizunean nola egin nahi duten hausnartzeko ere. Hausnarketa prozesuan alor desberdinak ikutzen dituzten proposamenak plazaratu dira: kontakizuna, antzezpena, parte hartzea eta parekidetasuna, ezagutzaren pedagogia eta sozializazioa, baita logistika kontuak ere. Etorkizuneko norantza horrekin bat eginda, aurtengo Lehorreratzean zer eta nola txertatu daitekeen zehaztea izango da hurrengo pausoa. Hilabete honetan egingo du Udalak, orain arteko parte-hartze prozesutik atera den bizilagun taldearekin. Hauek parte-hartze prozesuko talde eragilearen lekukoa hartuko dute; eta talde zabalagoaren babesarekin, ikuspegi operatibo batetik etorkizuneko Lehorreratzearen ardatzak 2022. urteko edizioan zer-nola lurreratu daitezkeen definitu, eta horretarako behar diren erabakiak eta urratsak emango dituzte. Moldaketak gradualak izango dira, baina ausardia punttu bat ere eskatu dute elkarrizketa foro desberdinetan parte hartu duten herritarrek, Lehorreratzearen bitartez Getariak bere mezu propioa helaraz dezan mundura. Ondorengo loturan txosten osoa → Lehorreratzea_Elkarrizketa_TXOSTENA [...]

Berdintasun plana osatzeko galdetegia martxan da23/09/2021Albisteak / Gizarte zerbitzuak / Partehartzea2021ean Getariako Udalak Getariako emakumeen eta gizonen berdintasun diagnostikoa osatzeko prozesua martxan jarri du Emun Aholkularitzaren laguntzarekin. Prozesu horren baitan, herritar guztiei galdetegi bat luzatu nahi diegu herrian emakumeen eta gizonen berdintasunaren inguruko iritziak eta beharrak identifikatzeko. Galdetegi horretan bildutako informazioa Getariako berdintasun egoeraren argazkia osatzeko baliagarria izango da, bai eta eragiteko eremu nagusiak bistaratzeko ere. Galdetegia betetzeko bi modu egongo dira: eskuz eta online. Eskuz betetzeko udalak triptiko bat buzoneatuko du herri etxe guztietan eta ondoren erantzunak udaleko buzoian edo udalean bertan utzi ahal izango dira. Online galdetegiari dagokionez, bide ezberdinetatik zabalduko da: udalaren sare sozialak, whatsappa, etab. KLIKATU HEMEN ETA OSATU GALDETEGIA Galdetegia betetzeko epea irailaren 20tik urriaren 8ra bitartekoa izango da. [...]

Datorren urteko Lehorreratzearen inguruan parte-hartze prozesua irekiko da Getarian22/07/2021Albisteak / Euskara eta hezkuntza / PartehartzeaGetariako Udalak sustatuta herritarrek lehorreratze ekitaldiari buruz dituzten iritziak eta ikuspegiak partekatzeko saio eta bide desberdinak aktibatuko dira irailean, herriko talde desberdinen parte hartzea bultzatuz Horietan guztietan jasotako ondorioek lagunduko dute, aurrerantzean, Getariak zer nolako Lehorreratze ekitaldia nahi duen irudikatzen Egunotan, prozesuaren iparra izango den talde eragilea osatzen ari da, profil desberdineko 20 bat lagunek osatuko dutena Datorren urtean, lehen mundu biraren 500 urteak eta Elkanoren lehorreratze ekitaldiaren lehen mendeurrena gogoratuko dira Getarian, 1922an egin zen eta, lehen aldiz, “Joan Sebastian Elkanoren lehorreratzea”. Testuinguru honetan, Getariako Udalak Lehorreratzearen inguruan hausnarketa eta elkarrizketa irekia zabaldu nahi du herrian eta herritarrekin eta hortik jasotako ondorioek lagunduko dute, aurrerantzean, Getariak zer nolako Lehorreratze ekitaldia nahi duen irudikatzen. Ehun urte parada bikoitza egiteko aukera badira eta: batetik urte guzti horietan ekitaldi hori mantentzen eta gauzatzen lan egin duten herritarrei aitortza egin eta eskerrak emateko; bestetik, mendeak dakarren inertzia begirada zabal baten bitartez aztertzeko eta gogoeta egiteko. Horretarako, 2021eko irailetik abendura bitartean parte-hartze prozesu bat burutuko da, herriko talde desberdinen esku-hartzea bermatuz. Egunotan, prozesuaren talde eragilea izango dena osatzen hasi dira, betidanik herriarekiko konpromisoa eta ekarpenak egiteko gogoa erakutsi duten 20 edo 25 lagunek osatuko duten taldea, alegia. Esku-hartze dinamikaren helburua izango da getariarrek gaur Elkanoren lehorreratze ekitaldia nola bizi duten ezagutzea, etorkizunean nola irudikatzen duten marraztea eta, 2022 urtera begira, bide berriren bat irekiko ote den aztertzea. Prozesua irailean abiatu eta abenduan amaituko da. Ekimenaren arrazoiak eta lan dinamikak herritarrei azaltzeko ekitaldi publiko bat egingo da eta, ondoren, talde eragilearekin zein beste herritar taldeekin aurrez-aurreko lan saioak hasiko dira: emakumeak, ekintzaileak, gazteak eta nerabeak, elkarrizketa aberasteko aniztasuna beharrezkoa baita. Guztira, zortzi elkarrizketa eta parte-hartze saio egingo dira herritar profil eta talde desberdinekin eta, urrian, herritar guztiei irekitako Mintzodromoa egingo da. Getariarrek galdetegi bidez ere bere ekarpenak egiteko aukera izango dute. Horietan guztietan jasotako ondorioek lagunduko dute, aurrerantzean, Getariak zer nolako Lehorreratze ekitaldia nahi duen irudikatzen eta, beharrezkoa balitz, horrek berarekin dakartzan egokitzapenak planteatzen. Getariako Udala martxan jartzen ari den parte-hartze prozesu hau urteotan Lehorreratze ekitaldia errealitate egin duten herritarren ahalegin, ilusio eta ekarpenaren aitortzatik abiatzen da. [...]

Herriko gazteek etxebizitzak alokatzeko diru laguntzen ordenantzak egiteko partehartzea. Helbide elektroniko berria08/07/2021Albisteak / Hirigintza / PartehartzeaPartehartzearen webgunean dauden arazo teknikoak direla eta Gazteek etxebizitzak alokatzeko diru laguntzen ordenantzei ekarpenak eta iradokizunak ondorengo posta helbidera bidali. herritarrenpartehartzea@getaria.eus Ordenantzen zirriborroa [...]

B21/0313 ZDN. ebazpena. Xehetasun-azterketaren aldaketa, «A.U. XVII Sahatsaga-Goia» eremuko «a.20.XVII.2.01» eta «a.20.XVII.2.02» Azpipartzelei buruzkoa. Getaria-Gipuzkoa06/07/2021Albisteak / Hirigintza / Partehartzea / Tokiko garapenaB21/0313 ZDN. ebazpena. Xehetasun azterketaren lehen onarpena. [...]