Slider

Berriak

AZAROAK 25: GENERO INDARKERIAREN AURKAKO EGUNA

 ITURZAETA HERRI ESKOLAn,
10:30ean, musika eta irudiak jarriko dira sarrerako pantailan.
10:50ean, eskolako atarian elkartu dira Haur eta Lehen Hezkuntzako guztiak, beraien familiak eta udala.
- Manifestua irakurriko da.
- Bertsoa abestuko dute LHko ikasle guztiek.
- “Besarkatu” eta “Baloreak” abestiak dantzatu eta kantatuko dira.

 19:00etan, ELKARRETARATZEA, udaletxe aurrean.

Getariako aparkaleku sistema definitzeko parte-hartze prozesuko I AKTA

Hurrengo saioa azaroak 21, osteguna, 18:30ean Berdura Plazan izango da.
2. saioan, alde batetik, lehen saioko azterketaren sintesia eta egin ziren planteamendu desberdinei erantzunak ematen saiatuko gara.
Eta ondoren, guztion artean, Getarian, alde zaharrerako eta alde berrirako ezarriko den aparkaleku sistemaren lehen aurre-proposamen irekiaren lanketa egingo dugu,
Beraz, bigarren saioaren helburu nagusia aparkalekuaren antolamendu berriaren lehen diseinua egitea izango da.

Getariako aparkalekuen ordenantza zehazteko parte-hartze prozesua

Getariarrek pairatzen duten aparkaleku arazoen ohartuta, Udalak aparkalekuak arautzeko ordenantza edo araudia zehazteko parte-hartze prozesua abian jarriko du azaroan.

Getariako udalerriko bide publiko jakinetan ibilgailuen aparkamendua eta gune jakin batzuen zirkulazioaren eta erabileraren zenbait alderdi arautzeko ordenantza zehazteko prozesua herritarren partaidetzarekin prestatu nahi da.

Ordenantza honen xedea trafikoa antolatzen eta hobetzen laguntzea izango da eta oreka handiagoa lortzea herriko hainbat zonatan aparkatzeko eskaintzaren eta eskariaren artean.