Osasun Sailak hainbat pertsona identifikatu ditu, azken egunetan PCR positiboa izan dutenak, eta haien artean Getariako Kale Nagusiko Dona Doni izoki dendarekin zerikusia izan dezakeen lotura posible bat besterik ez dutenak.

Horregatik, Zaintza eta Kontrol Sareak, prebentzio gisa, uztailaren 9tik (osteguna) uztailaren 13ra bitartean ostalaritza-lokal horretan egon diren guztiekin jarri nahi du harremanetan.

Guztiei eskatzen zaie dagokien osasun-zentroarekin harremanetan jartzeko, baldin eta Urola Kosta eskualdekoak badira:

• Getariako osasun-zentroa (tel.: 943 14 06 53)
• Zumaiako osasun-zentroa (tel.: 943 00 64 90)
• Zarauzko osasun-zentroa (tel.: 943 00 79 99)

Bertan PCR proba bat egiteko aurretiko hitzordua emango zaie bihar goizeko 09:00etatik aurrera. Proba horiek 09:00etatik 14:00etara eta 15:30etik 19:00etara bitartean egingo dira, Getariako Sahatsaga kaleko udal kiroldegiaren barrualdean. Uztailaren 9tik (osteguna) uztailaren 13ra (larunbata) bitartean Dona Doni izoki dendan egon diren beste herri batzuetako pertsonek Osasun Aholkuaren  telefonora deitu behar dute (900 20 30 50), edo beren osasun-zentroarekin harremanetan jarri.

Era berean, Osasun Sailak herritarrei gogorarazi nahi die ezagunak diren prebentzio-neurriak hartu behar dituztela, eta, COVIDarekin bateragarriak diren sintomak izanez gero (sukarra, eztula edo arnasa hartzeko zailtasuna), etxean isolatu eta beren osasun-zentrora deitu behar dutela. Halaber, lasaitasunezko mezu bat zabaldu nahi du, eta azpimarratu nahi du horrelako neurriak prebentziozkoak bakarrik direla, transmisio komunitario bat ahalik eta lasterren detektatu eta kutsatze gehiago saihesteko helburuarekin hartzen direnak.

itoria-Gasteiz, 2020ko uztailak 15